Existiendo pa 70 aña: PPA ta den proceso di repasa programa pa eleccion

PPA ta un organisacion cu tin setenta aña di existencia y semper ta pone accento riba programa di eleccion. Nan tin diferente documento cu ta forma e programa cu ta e masterplan general, masterplan economico. Tin un programa dedica na centro di Oranjestad, agenda pa San Nicolas y uno dedica na husticia.

E partido ta den proceso di repasa nan pa mira kico mester cambia y adapta. Benny Nisbet, secretario general di PPA, a bisa di ta desea di cla cu nan pa fin di aña. Otro ta e ekipo desea cu ta bay eleccion y ta un proceso poco dificil ora di tin hopi partido participante. Nan ta den combersacion y en busca di caranan nobo, personanan capacita pa mehora e lista pa dia di presenta esaki otro aña.

Existiendo pa 70 aña: PPA ta den proceso di repasa programa pa eleccion

Existiendo pa 70 aña: PPA ta den proceso di repasa programa pa eleccion. Click link pa mas https://24ora.news/3i6cL8a

Posted by 24ora on Thursday, September 24, 2020

Ta sali for di e punto di salida di tin un situacion cu pueblo sa ken a crea e caos y sa ken a haya e oportunidad di solucion’e. PPA ta kere mester tene cuenta cu e dos aspectonan ey y cumpli cu e dos puntonan di un bon programa y bon ekipo capacita, nan ta hunga un rol atrobe den futuro.

Partido PPA

Juan E. “Juancho” Irausquin & Porfirio “Fichi” Croes a funda Partido Patriotico di Aruba (P.P.A) dia 23 di October 1949. Lidernan desde fundacion tabata Juan E. “Juancho” Irausquin, Ernesto Petronia, Wim Lampe, Jossy Tromp, Hubert Dennert, Osbaldo Croes, Dominico Tromp, Virgilio Kock, Max Croes & Benny Nisbet. A participa den 28 eleccion. Record maximo di voto: 12.044 (1973) y record minimo di voto: 506 (2013). Den ultimo eleccion na September 2017 a bay cu un lista combina cu UPP y hunto a logra 656 voto. Ideologia di Partido PPA ta social democrata.