Dos scol basico di enseñansa special, Dornasol y Paso Pa Futuro nan futuro ta den limbo, pa motibo bou di e maneho di ex-Minister dr. Rudy Lampe, di Enseñansa, e plan tabata ta pa fuseer e dos scolnan aki hunto, cual na final no a bay door.
Dialuna mainta durante un conferencia di prensa, nos reportero di 24ora/TREMPAN, a puntra e Minister di Enseñansa actual, Endy Croes, riba e status di e scolnan aki, si lo cera nan dos y den caso cu esaki t’e caso, kico lo bay para cu e alumnonan di dicho scolnan. Segun e mandatario, nunca tabata tin e pensamento cu lo cera Paso Fa Futuro y/o Dornasol. Si tabata tin cambionan cu a tuma luga, unda cu Paso pa Futuro a verhuis di un local pa otro. Pero tambe e Inspector di Enseñansa ta haciendo e controlnan n’e scolnan na Aruba, pa bin cu rapport si ta berdad.
Por ultimo e mandatario a indica cu den Gobierno su maneho, no ta para cu lo cera e dos scolnan aki. Tanto Paso pa Futuro como Scol Basico Dornasol t’ey pa keda existi
