Exclusivo: Detencion, arma di candela y droga den inval na Mabon

Diabierna den oranan trempan di mainta polis a tene diferente entrada hudicial. Ta un team di polis consistiendo di recherche di Playa, San Nicolas, visibility team, team forensico y team di aresto. A bishita dos cas na San Nicolas, un banda di Cristo Rey na Brazil y otro den Mabon Kavel. Na e cas den cercania di Cristo Rey, autoridad a dal den bashi. Den Mabon Kavel, pa ta exacto Caya Bohi si a canta bingo.

A detene cuater persona y a haya tanto arma como droga. No ta conoci ki tipo di droga a haya pero ta confirma cu a haya un arma di candela (pistol) den e cas.

Exclusivo: Detencion, arma di candela y droga den inval na MabonClick e link pa mas: http://24ora.news/3rx2tDT

Posted by 24ora on Friday, March 5, 2021

Di e cuater personanan deteni, por lo menos dos ta hende homber y un ta hende muhe. Locual ta resalta, ta cu tres di nan ta relativamente hoben. E investigacion tin di haber cu un caso di ladronicia.

Exclusivo: Detencion, arma di candela y droga den inval na Mabon

Exclusivo: Detencion, arma di candela y droga den inval na Mabon. Click link pa lesa mas https://24ora.news/38d4nSi

Posted by 24ora on Friday, March 5, 2021

Ta for di hopi tempo tabata vigila e cas aki, awe a haya green light y a canta bingo. Recherche a topa cu e sospechoso principal cu nan tabata busca, bou inicial di: A.G.J. v.d.L naci na Aruba di apenas 18 aña di edad.