Examen Landamento Escolar

Landamento Escolar ta un programa di Departamento di Enseñansa Aruba (DEA) pa tur alumno di 3e klas di Scol Basico y Special na Aruba, den cual nan ta haya instruccion di landamento.

Den e siman di 24 te cu 28 Juni 2019 ta tuma luga Examen pa diploma A y B pa e alumnonan
cu ta cla. Exigencia pa examen Un di e exigencia di examen pa diploma A y B di Arubaanse Zwem Bond ta: landa cu paña.

Esaki kiermen cu riba nan ‘zwempak/broek’ e mucha mester bisti: T-shirt, short y keds.
Nos ta pidi cooperacion pa uza paña cu no ta hopi pisa, por ehempel no bisti jeans. E sapato
cu ta uza mester ta cera. No ta permiti sandalia ni tampoco ‘sapato di lama’. E examen ta tuma luga na Piscina Olimpico Roly Bisslik na Savaneta y ta bou auspicio di Consul y Examinator di Arubaanse Zwem Bond.

Mayornan ta bonbini Mayornan ta bonbini pa presencia examen. Pa medio di esaki nos ta invita tur mayor pa bin apoya nan yiu riba dia di nan examen. Check cu scol pa e dia y ora cu bo yiu tin examen. Departamento di Enseñansa Aruba ta haci uzo di e oportunidad aki pa desea tur mucha cu ta bay pasa nan examen di landamento escolar hopi exito. Pa mas informacion por acudi na nos website [ea.aw] y busca Landamento Escolar den e alphabet menu. Tambe por sigui desaroyonan relaciona cu Enseñansa na Aruba a traves di
facebook, twitter y Instagram @educationaruba.