Ex prome dama lo haya tratamento medico na Colombia

2037

Riba su pagina social, ex Prome Minister mr. Mike Eman a comparti cu comunidad e ultimo desaroyonan rond di salud di su casa Doina. Despues di un operacion den fin di aña, Doina y Mike a haya resultadonan medico cu ta haci necesario pa Ex Prome Dama haya mas examinacion na Aruba y den exterior.

Riba su pagina social Ex Prome Minister Mike Eman a gradici pa e cuido medico na Aruba y nos comunidad pa e sosten, amistad y oracion. Tambe Ex Prome Minister Mike Eman a gradici su compañeronan di lucha pa e espacio cu nan ta dun’e pa dedica na salud di Doina.

El a comparti Diadomingo mainta riba su pagina social e informacion aki: Amigonan, Friends, un Diadomingo bendiciona, a Blessed Sunday, laga nos cende un bela awe pa salud di nos sernan keri. Doina cu mi ta cende un pa Boso tur. E siman aki nos ta bay Colombia pa salud di Doina. Dokternan di Aruba a referi nos pa haci mas examinacion. Nos ta ora cu tur cos bay bon cu esaki y e otro examinacionan y tratamento cu lo sigui. Na nos famia, amistadnan y tur esunnan den cuido di salud, danki di curason pa Boso cuido, sosten, amistad y oracion. E ta duna nos forza! Na mi compañeronan di lucha…danki pa crea e espacio pa mi por dedica tur tempo na salud di Doina. Cu hopi aprecio, un abraso Mike y Doina.