A drenta na nos mesa di redaccion e tristo noticia cu den ora di atardi di awe, diasabra, 20 di november, ex-minister di husticia Rudy Croes a fayece, despues di un lucha hopi fuerte.
Prome Minister mr. Evelyn Wever-Croes a confirma e noticia aki riba su pagina di Facebook cu e mensahe aki: Mo Rudy ta laga nos como famia cu un legado grandi di union, di yuda otro, di stima otro. E ta laga nos como politico cu un legado di lucha y specialmente lealtad na Aruba y lealtad na partido MEP. Cu Dios duna su esposa Damia Arends, su yiunan Dione Croes, Reu Croes, Ofo Croes, Betto Croes y henter famia hopi hopi forsa y cu Mo Rudy sosega na paz den brasa di Señor.”
Rudy Croes tabata minister di husticia for di 2001 te cu 2009. E tabata un persona hopi activo den deporte, vooral e mundo di tennis. Fuera di esey e tabata activo den Grupo di Betico como cuartista y cantante.
E tabata ruman homber di Gilberto Francois ‘Betico’ Croes, fundado di MEP y ta omo di e actual Prome Minister di Aruba mr. Evelyn Wever-Croes.
Uniendo na esaki 24ora.com hunto cu TREMPAN, ta extende su palabranan di condolencia na famia di Rudy Croes.
