E informacion cu a yega na nos mesa di redaccion ta bisa cu e ex inspector di Polis Andrew Hoo lo bira e siguiente Alto Comisario. Un aña pasa mas of menos e tabata hefe na Noord unda el a haci un tremendo trabou . E mes ta un Polis fanatico di Curazon. Despues di bandona Cuerpo Policial aña pasa, el a bay traha den e area di seguridad na Marriott Hotel.

E tabata encarga cu e seccion di Loss Prevention y Risk Management. Ya caba nos a tuma contacto cu e futuro Alto Comisario Andrew Hoo y el a prefera di no confirma of duna comentario. Unico cos cu el a bisa tabata cu tin un conferencia diahuebs unda eynan lo tende tur cos. Asina mes nos fuente e sigura nos cu e ta e candidate cu gobierno tabata bezig cune pa Alto Comisario. No ta un secreto cu Trudy Hassel actual comisario no ta carga e simpatia di e cuerpo pa e funcion. Riba su nombracion, SPA y Minister kier a purba regla e entrada di Trudy Hassel como e siguiente Alto Comisario. E presion di Cuerpo y algun otro colega di leiding y hasta Ex Inspectornan den Parlamento, a vocifera cla y raspa nan opinion.

Esey a pone e deseo di Andin Bikker cay na awa totalmente. Pesey mester a sondea pa otro candidatonan y asina a yega na Andrew Hoo. Interesante pa scucha e anuncio aki. Minister mes a bisa cu lo bira un nombracion di un aña. Djey lo busca finalmente e Alto Comisario cu lo sigui dirigi e cuerpo a base di vacatura cu lo tin habri pa solicita. Si ta asina cu Andew Hoo ta bira e Alto Comisario, nos ta desea su persona tur clase di exito cu e funcion bon mereci.

Comments

comments