Juan Carlos Márquez, 68, un ex ehecutivo di PDVSA, a pone fin na su bida colgando su mes den un apartamento na Madrid diadomingo ultimo, dianan despues cu a arest’e y a aparece den corte pa su supuesto rol den labamento di placa y corupcion relaciona cu e petrolero Venezolano, asina Polis di Spaña a informa.
Polis ta investigando morto di Márquez, kende a sirbi como un ehecutivo di PDVSA pa un decada entre 2003 y 2004. Marquez a wordo aresta door di Polis Spaño siman pasa diahuebs ora cu e tabata bahando di un vuelo for di Merca.
E ex Manager di PDVSA a aparece den Corte diabierna y mester a presenta bek dialuna riba su supuesto envolvimento den un skema di labamento di placa di e ex Embahador Spaño pa Venezuela, Raúl Morodo.
Morodo’s su yiu homber Alejo supuestamente a yuda dos bufete di Abogado firma contractonan “ficticio” cu PDVSA balora na miyones di euro, pa duna conseho legal na e petrolero Venezolano. Di acuerdo cu investigacion Spaño, e dos bufetenan di Abogado nunca a duna conseho, mientras cu Alejo Mordo supuestamente a manda un parti di e suma cobra na PDVSA pa cuenta di su tata. Pero nan ta nenga e acusacionnan.
E ex ehecutivo di PDVSA Márquez a nenga e acusacionnan cu e tabata envolvi den labamento di placa y a acorda pa colabora cu Fiscalia Spaño den e caso.
Luna pasa Ramirez a declara na Al Arabiya Ingles cu Venezuela mester di un Gobierno amplio cu mester inclui ehercito y oposicion pa baha Nicolas Maduro pacificamente y restaura e industria petrolero cu ta den ruina.
Ramirez a maneha PDVSA pa dies aña entre 2004 y 2014. Na mei aña pasa, Ramirez—kende ta biba den exilio – a declara na Bloomberg cu PDVSA ta na rand di un colapso y nan ta kere cu produccion petrolero lo baha cu 600,000 bpd tur aña pa falta di inversion.
