Ex edificio di DOOV a wordo full renoba y lo ta habriendo dentro di poco

Lo bay tin cambio na e ex edificio di DOOV. Minister Mike de Meza a splica cu full e edificio a wordo renoba, paden, pafo, glasnan kibra a wordo cambia. Full un sistema nobo di airco a wordo hinca aden. E lift a wordo drecha tambe. E sistema cu den pasado tabata tin problema cun’e, ta esun di e sistema di riolering, tambe a wordo drecha completamente. E ta full cla. Awor aki ta bezig ta cabando algun trabao riba e sistema di dukt di e airco y e ora e ta full cla. Muebla e ta caba si. E parti p’ariba, lo bay bin Refineria di Aruba. Na e piso bao di dje, ta bin e ora eynan e ministerio di turismo, transporte, energia y medio ambiente y e piso mas abao lo bin FMSA. Ta e compania cu ta distribui tur e fuelnan pa WEB, pa Aeropuerto, pa e stacionnan di gasolin. Ta un compania estatal, di Refineria di Aruba. Tambe tin un parti cu ta bay tin personanan di departamento di labor cu departamento di Dimas, cu ta bay tambe tey pa duna asistencia na trabaonan cu ta bay ta concerni cu e refineria. Esey ta pa por procesa y screen, evalua rapidamente, ora cu Citgo y Contratistanan cu mester bin cu expertonan di pafo, despues cu a wak riba e mercado local, ta wordo entrega eynan. Lo tin personanan di departamentonan ey cu lo ta ubica eynan, cu historicamente tabata e caso. Tempo cu Coastal a bin, tabata tin e operacion eynan tabata tuma luga, caminda e Coruba tabata tey antes y e stacion di brandweer. Despues tabata tin na diferente otro localidad y esey ta bay ta na ex edificio di DOOV. Lo bay tin un setup tambe cu Citgo, hunto cu Refineria di Aruba, cu ta trahando riba dje y e Safety Counsil, caminda lo bay mira cu lo duna algun training. Tin dos localidad eyden den e edificio aki, cual ta sumamente grandi cu a wordo renoba y drecha tambe pa por duna diferente curso cu tin di haber riba e trabaonan cu tin den e refineria. E ta bay ta un compleho caminda cu tin diferente actividad cu lo tuma luga.

 

Ki tempo e lo keda cla

Porta dentro di 2 pa 3 siman e lo ta full cla. Ta e sistema di dukt di e airconan mester a haci algun cambio, e ora tur e empresanan ya menciona, lo bay ta den dje..