E penultimo episodio a ricibi mas cu 175,000 views y awor a toca turno pa hasi un episodio riba su patria.Un proyecto unda Karixon ta subi caya den e cuidadnan grandi na Hulanda y produci cancionan cu straatmuzikanten a yega Aruba.
Den luna di augustus Karixon tabata riba su isla pa hanja un poco solo y tambe pa hasi un episodio na Aruba di su projecto cu ta causando furor na Hulanda cual ta ‘Straat Talent’.
Aki Karixon a composita un cancion cu un ex drogadicto (Mosky) cu tabata hopi conesi pa toka riba caya nan di San Nicolas cu su gitara.
Cecil Gario mihor conesi como Mosky tabata biba riba caya pa 30 anja largo.
6 anja pasa Mosky a dicidi di cambia su bida y awe e ta un persona limpi.
Den e episodio aki di ‘Straat Talent’, bo por mira con Mosky ta conta con e la bira adicto y con e la saka su mes fey addicion. Tambe por scucha e cancion cu ta bai over di su pasado como un adicto.
E episodio aki ta causando un impacto hopi positive, ja cu den apenas 6 dia e edicion aki a ricibi mas cu 50,000 views.
