E mesun dia cu e Organisacion di Estadonan Americano (OEA) a presenta e conclusionnan di un auditoria cu ta cita iregularidadnan grave den e eleccionnan presidencial cu a tuma luga dia 20 di october, e presidente di Bolivia, Evo Morales, den un conferencia riba television nacional, a presenta su renuncia.

Morales a bisa cu e decision aki ‘ta duel’e profundamente’ pero ta algo cu e mester haci “pa e bon di e pais.”

Morales a bisa cu e lo manda su carta di renuncia na Congreso den e proximo oranan. Segun e Constitucion, e vicepresidente mester ocupa e cargo. Sin embargo, e vicepresidente, Alvaro Garcia Linera tambe a renuncia.

Den e caso aki, y cu base den e articulo 169 di e Constitucio Boliviano, e presidente di Senado, mester ocupa e cargo te ora cu tuma luga eleccionnan nobo. No ta cla si e presidente di Senado lo ocupa e puesto.

Comments

comments