Sport Unie Brion Trappers (S.U.B.T.) lo bai habri e anja nobo di futbòl ku un evento pa trese miembronan i pueblo di Kòrsou huntu pa selebra i alabes rekouda fondo pa e progamanan di S.U.B.T. pa seizoen di futbòl 2019/2020.
E evento lo tuma luga dia 25 di ougùstùs di 17:00 pa 22:00pm. Lo bai tin diferente wega manera e ‘legends game’ unda Jong Holland veterano lo hunga kontra S.U.B.T. veterano i tambe e ‘Celebrity Penalty Shoot-Out’. Dor di partisipa den en ‘Penalty Shoot-Out’, diferente miembronan prominente den komunidat ta duna nan aporte na e evento di S.U.B.T. pa rekouda fondo.
Direktiva nobo di S.U.B.T. huntu ku presidente Ebell Scharbaai ta invita pueblo di Kòrsou pa djòin den e festividat dia 25 di ougùstùs. Karchinan ta Naf. 10,- i por kumpra seka miembronan di S.U.B.T. Tur fondo ku ta rekouda lo bai den programanan di S.U.B.T. pa anja 2019/2020.
Pa mas informashon por chèk Facebook page di SUBT Kòrsou of email [email protected].
