Diahuebs a cuminsa e evento principal y mas grandi di World Series of Poker Circuit Event Aruba na The Casino di Aruba Hilton Resort.

No solamente e competencia aki a atrae hungadonan internacional pero hopi local tambe a busca e chens pa gana e premio grandi di 250 mil dollar.  Ta prome biaha cu un evento grandi asina’ki ta tumando luga na Aruba. PA e evento grandi di diahuebs mainta, por a sinti un entusiasmo grandi bou di e hungadonan.

Evento internacional di poker halando hopi hungado

Evento internacional di poker halando hopi hungado

Posted by 24ora on Friday, November 22, 2019

Manera menciona anteriormente, gerencia di The Casino a logra esaki danki na sponsernan manera Bacardi, Tequila Patron, Balashi, Chill y The Casino.

E participantenan den e evento ta un mix di hungadonan local y internacional. The Casino cu e evento aki por mira riba un logro grandi cu ta un promocion pa Aruba tambe, mirando cu e hendenan aki ta gasta hopi durante nan estadia na Aruba.
A cuminsa dia 14 di november y ta finalisa dia 24 di november. E entrada den e eventonan chikito ta costa rond di 300 dollar y esun di e evento principal ta 1700 dollar. Ora cu e evento a cuminsa tabata varia di entre 75 pa 100 participante.

Tournament Manager, Dennis Jones a splica cu el a bin aña pasa di vakantie y a bin topa cu e crew di The Casino. A papia di WSOP event, yudando nan pa train nan dealer y staff pa asina haya e experiencia di WSOP. Riba su mes, e ta haya e isla maraviyoso.
E hungadonan di exterior gusta e isla y e cantidad ta aumentando. Jones ta premira caba un futuro pa e evento aki na Aruba.

E evento ta un poco mas chikito compara cu e Serie Mundial na Las Vegas, unda cu tin miles di hungado. Pero pa e tamaño aki e ta net bon. E trabao ta uno hopi bon cu media y e staff ta atende e gruponan cu hospitalidad.
E ta look forward pa mira kico e evento aki lo haci pa otro aña. E ta pensa cu e evento aki lo crece tremendamente den e proximo aña.
Jones a splica tambe cu 250 mil dollar ta un bon comienso y facilmente lo pasa esaki e biaha aki y ta spera pa mira kico e cantidad aki lo haci mañan, caminda cu lo purba di haya un aumento di e premio aki pa otro aña.

E venue riba su mes tambe ta uno hopi bunita y nan a bay first class riba tur cos. E hungadonan ta comenta hopi positivo riba e venue, aunke cu e ta chikito, toch el a converti den algo hopi upscale y elite.
Tambe tin LIVE Streaming di e evento cu ta “on” tur dia na e Facebook page @thecasinoaruba.com

Comments

comments