Evelyn Wever-Croes: Mañan lo evalua introduccion di visa pa Venezolanonan

3897

Ta parce cu despues di varios intento, cu e biaha aki si Gabinete Wever-Croes lo logra pa introduci visa pa Venezolanonan por drenta Aruba. Den pasado a yega di pusha cu e idea aki tambe pero Gobierno di Hulanda no a acepta y no a aproba dicho maneho.

Mañan lo tuma luga un reunion importante riba maneho di relacionnan exterior entre Minister di Relacionnan Exterior di Reino Hulandes, hunto cu e Minister presidentenan di Aruba, Corsou y Sint Maarten hunto. E punto cu mas ta hala atencion ta e maneho nobo cu kier hiba pa frena entrada di Venezolanonan riba nos islanan.

Evelyn Wever-Croes: Mañan lo evalua introduccion di visa pa Venezolanonan

Evelyn Wever-Croes: Mañan lo evalua introduccion di visa pa Venezolanonan

Posted by 24ora on Monday, November 23, 2020


“Mi ta contento di por ta na Aruba atrobe y hiba combersacionnan cu Minister Presidente mr. Evelyn Wever-Croes. Mi ta realisa cu Aruba a confronta hopi reto dor di e pandemia y cu nos lo mester traha hunto pa surpasa e crisis aki. Maneho di relacionnan exterior ta un parti escencial den esaki. Naturalmente tambe e relacion cu Venezuela.

Nos a papia tambe di kico por spera riba e resultado di eleccion presidencial na Venezuela, di cual ta tin indicacion cu nan lo no ta eerlijk.

Den e mesun rosea nos a papia tambe di e areglo di Visa cu nos lo kier implementa pa Venezolanonan pa regla e trafico di hende”, asina Minister Stef Blok di Relacionnan Exterior di Reino Hulandes a bisa awe tardi den sala di reunion di Conseho di Minister di Aruba.
Mas leu e mandatario Hulandes a añadi cu a delibera tambe riba e posibel consecuencianan cu e resultado di eleccion na Merca lo por tin pa politica den e region aki.

Esaki precisamente lo atende mañan riba agenda di e reunion cu Minister Presidente di Corsou y Sint Maarten. E mandatario a elabora riba e rol cu e embahadanan por hunga pa Aruba pa atrae inversionistanan. Esaki ta di gran importancia pa por sostene e economia mas amplio cu djis simplemente cu turismo. Asina nos por laga mira con nos por ta mas fuerte para ora traha hunto, compara cu si nos para nos so.
Minister presidente di Aruba, mr. Evelyn Wever-Croes a cataloga esaki un bon reunion. A delibera riba e tema di Venezuela. A splic’e cu dor cu nos ta asina cerdca, nos ta sinti e impacto di Venezuela. A probecha pa infirm’e di desaroyonan di e refineria na aruba y otro desaroyonan na San Nicolas.

A enfatisa e papel importate cu e embahadanan a bhungampa por a yega asina leu. Un bon reunion, den preparacion pa e reunion mañan cu Gobiernonan di Hulanda, Corsou, Sint Maarten y Aruba riba maneho di relacionnan exterior.