Algun minuut pasa a bati alarma na Aeropuerto y siguridad a ordena evacuacion di tur hende, tanto e empleadonan como pasaheronan. Aeropuerto a informa cu e evacuacion ta pa rason preventivo, specialmente na e terminal di yegada.
Parce tin un fayo den e sistema di comunicacion di e UPS (Uninterruptible Power Supply) cu ta provee coriente na momento di emergencia. Brandweer ta na e sitio pa evalua e situacion.
Segun Aeropuerto, lo laga Bomberonan evalua e fayo y e situacion di e UPS pa dicidi si ta saca e sistema si ta necesario. Entretanto a sali un vuelo di Aruba Airlines pa Riohacha. Temporalmente si avion baha, pasaheronan lo bo por desembarca.
Aeropuerto for di mainta ta confrontando retonan tecnico. Parce cu un parti di e edificio ta sin airco, debi na fayo. Ta evaluando e situacion pa corigi.
Empleadonan y pasaheronan ta den calor den algun area crucial di e edificio. E area cu a keda afecta, ta e terminal di yegada. Esaki ta motibo cu pasaheronan di Ezair mester a warda un rato prome cu por a baha di avion.
