Eurovision 2021 lo conta cu 41 pais concursante

183

E organisacion responsabel di Eurovision 2021 a confirma dialuna cu pa e aña cu ta bin lo tin 41 pais concursante despues di a pospone esun di 2020, cual tabata pa prome biaha cu no por a celebra e festival den su 65 añanan di historia pa motibo di e pandema di COVID-19.

Ta trata di e mesunnan cu lo mester a participa den e convocatorio den luna di mei, loke ta inclui e potencianan di Bulgaria y Ucrania, ausente den e ultimo concurso cu a tuma luga na 2019, caminda tambe a competi 41 aspirante.“E organisacion ta trahando hopi duro pa sigura cu Eurovision lo ofrece tur e emocion y innovacion cu ta spera mas of menos 180 miyon di espectador di rond mundo den e concurso aki, apesar di e circunstancianan dificil aki,” segun e comunicado manda awe pa medionan.

El cantante Blas Cantó. EFE/Ángel Medina G./Archivo

Manera cu a anuncia, e edicion di 2021 lo tuma luga den e ciudad Hulandes di Rotterdam, entre dia 18 y 22 di mei, fecha di e gran final, caminda cu lo competi 10 pais clasifica den cada un di e semifinalnan, mas e 5nan cu ta integra den e grupo di “Big Five” (Spaña, Reino Uni, Francia, Italia y Alemania) y e anfitrion, Hulanda.

Pa evita cu 2021 bolbe biba un aña bashi sin e famoso concurso Europeo di cancion, ta manehando cuater posibel scenario pa su celebracion segun e necesidadnan di distanciamento social y e opcion scogi cu lo divulga “na principio di otro aña.”Den su version infantil, Eurovision Junior 2020, cu lo tuma luga dia 29 di november proximo na Polonia, e participantenan no lo desplasa y lo graba nan actuacionnan desde nan respectivo paisnan.