Bareranan di concreet, saconan di santo of barera di auto ta algun di e dispositivonan desplega den paisnan Europeo pa proteha e poblacion di e atakenan cu auto, un manera operativo cada biaha mas uza, manera e atentado di diahuebs na Barcelona.
Na Francia
Polis Nacional a informa cu e “gran concentracionnan” ta protegi cu barera y baricada, manera tabata e caso di e famoso mercadonan di Pasco di Champs Elysees na Paris y den e centro Strassburg (oost). Pero e dispositivonan aki ta sigui ta temporal.
Na e banda di e riu Seine, awo reserva pa peaton, e acciesonan lo ta habri pa permiti vehiculonan di emergencia pasa, pero blokia parcialmente cu vehiculonan policial.
E ministerio di Interior a pidi e prefecturanan desplega “dispositivonan antiintrusion y di filtrahe” den e “gran acontecimentonan di e periodo di zomer.”
Na Reino Uni
E pais, cu a sufri tres atake di e tipo aki na 2017, a pone barera na varios brug di e capital pa evita cu vehiculonan subi acera, manera cu a pasa na London Bridge.
Na e Palacio di Buckingham, a modifica e ora di cambio di security y varios via di acceso a wodo cera pa minimalisa e riesgo di atentado.
Algun grupo, incluso e Parlamento Ingles, ta reclama controlnan di identidad mas importante na momento di huur auto.
Na Suecia
Tras un dalmento cu un truck dia 7 di April, cu a laga cinco victima, e ciudad di Stockholm a pone popchinan den forma di leon riba e cayanan peatonal, segun e consehero adhunto na encargo di Circulacion, Daniel Helden, a bisa AFP.
Na e luga di atentado, e ayuntamento a instala blokinan di graniet pa obliga vehiculonan circula poco poco. Tambe a encarga 40 leon di concreet, ainda mas pisa, di tres ton, dilanti di esunnan actual cu ta pisa 900 kilo.
Na Alemania
Tras di e dalmento masivo dia 19 di December di 2016, cu a cuasa 12 morto na Berlin, a instala un serie di blokinan di concreet pa proteha e mercadonan di Pasco, aunke cu mayoria di nan ya a wordo retira.
Algun di nan ta sigui ta sin embargo instala na luganan emblematico, manera Potsdammer Platz y cerca di e embahadanan.
Al contraci cu su bisiñanan, Alemania no a desplega e ehercito riba caya despues di a bira victima di un atentado riba su teritorio.
Na Belgica
Autoridadnan Belga a instala blokinan di cement, saconan di santo di un ton y trucknan pa impedi acceso di autonan den concentracionnan grandi. A incrementa tambe e presencia policial rond di edificionan diplomatico, institucionnan Europeo, centronan religioso, riba caya y transportenan publico.
Na Italia
Na Vaticano, e circulacion di Via della Conciliazone, cu ta bay straight pa e Plaza di San Pedro, a wordo cera durante e Hubileo di Misericordia na 2016. E medida e keda manteni despues di e aña santo ta haci cu e ta uno peatonal e ultimo parti di e gran avenida aki, protegi pa barera y un importante dispositivo di forsanan di siguridad.
Na Austria
E dispositivonan di concreet a wordo desplega “caso pa caso”, specialmente riba e mercadonan di Pasco durante winter, segun Karl-Heinz Grunboeck, vocero di e ministerio di interior a splica.
Grunboeck ta calcula sin embargo cu “tin cu exclui e riesgo 100% ta ilusorio.” Segun e, “ta imposibel pa separa e peatonnan y vehiculonan con tal di exclui totalmente un atake,” y e obstaculonan no ta stop di ta un “medida placebo.”
Na España
E pais, cu desde 2004 a mantene pafo di e reciente ola di terorismo Islamista, te cu e atentadonan di diahuebs na Barcelona y Cambrils, a reforsa no obstante e siguridad den acontecimentonan grandi. E World Pride, e principal marcha mundial di reinvidicacion di e derechonan di e comunidad LGTB, organisa na Juni na Madrid, a tuma luga bao di un dispositivo di siguridad excepcional, cu e cayanan cera pa circulacion, polis na tur crusada y prohibicion di vehiculonan pisa.
