Europa a yega 10 miyon di casonan di COVID-19 y America yegando 20 miyon

194

E datonan di Organisacion Mundial di Salud (OMS) ta indica cu e casonan global di COVID-19 a yega na 43.5 miyon, 359.000 mas cu esun anterior, cu America den supera 20 miyon di contagio y Europa 10 miyon. E dos regionnan aki hunto cu e parti zuid di Asia, cual a pasa e cifra di nuebe miyon caso, ta domina 90% di casonan positivo confirma mundialmente.

E cantidad di fayecidonan p’e pandemia ta keda na 1.1 miyon y mas cu e mita di nan ta di America (627.000), mientras Europa ta yega na e cifra di 270.000 y Asia Meridional 141.000. E tres regionnan tambe tin hunto casi 90% di fayecimento registra rond mundo.

Merca ta pais cu mas caso, esta 8.6 miyon, mientras India ta den pasa ocho miyon. Na di tres luga ta Brasil cu 5.4 miyon di contagio, Rusia cu 1.5 miyon y Francia 1.1 miyon. Argentina, Spaña y Colombia tambe a supera miyon di caso, mientras Mexico y Gran Britania  ta yegando 900.000.