Estilistanan a cera conoci cu tecnicanan nobo

Diadomingo ultimo e genio di beyesa Matt Swinney tabata di bishita riba nos isla. E artista a tene un workshop di cortamento di cabey y di color pa tur estilista di Aruba. Den e sala sold-out a tuma nota di presencia di e estilistanan mas conoci y renombra na Aruba,  cu tabata contento di por a atende un curso di estilismo di e taya aki.

E mundo di estilismo constantemente ta den evolucion y desaroyo, pa cual estilistanan ta considera un workshop asina como “hopi necesario” pa sigui amplia nan conocemento.

Matt Swinney a duna diferente demostracion di tecnicanan di corte y color mas uza rond mundo. Tur participante por a haci pregunta y hasta haña atencion personalisa.

Participantenan a keda satisfecho cu e workshop y no ta descarta un siguiente bishita den futuro.