Hendenan di exterior cu mente criminal ta keda purba drenta Aruba. E homber gara na aeropuerto diadomingo atardi a yega Aruba cu e vuelo di Wingo procedente di Colombia. E sistema di Radex ta hopi bon.
Bo por purba drenta Aruba cu paspoort cu otro nomber y bo mesun potret. Loke si bo no por cambia ta bo fingerprint. E sistema aki tambe Radex tin pa detecta cu ta e persona. Eynan ta caminda cu Migracion Aruba cu Grensbewaking a haci un tremendo trabou. E homber aki tabata luna pasa den man di husticia.
A detene pa estafa hende y den corto tempo a prepara su deportacion. El a bay pero mesora a activa den e mundo di corupcion cu ta prepara paspoortnan of corumpi cu paspoort na Colombia. Tur cos ta mustra cu el a paga pa nan traha un paspoort cu mesun potret pero otro nomber. Na yegada autoridad a traha pro activo. A logra saca afo cu ta luna pasa el a bay.
Si ta bon parce ta 12 di februari a deport’e y ya 12 di Maart e ta yega Aruba manera nada a pasa. Dios sa cuanto mas ta yega Aruba asina. Ta bon pa cuminsa implementa e sistema di fingerprint pa tur esunnan deporta. Awo cu a detene atrobe, recherche cu a atende su caso di estafa prome cu su deportacion lo sigui riba su caso. Spera awo si e presenta dilanti hues y duna cuenta pa e casonan penal cometi na Aruba.
