Merca lo pidi pena di morto pa Arubiano acusa di a mata su mesun yiu

Citando cinco factor cu a marca e presunto matamento di e yiu homber di 3 aña di Frederick Franken, como teribel, oficina di Fiscal di Estado di Florida a anuncia diamars cu nan lo busca pa haya castigo di pena di morto pa e acusado.

“E estado ta notifica cu nan tin intencion di busca e pena di morto contra e acusado, Frederick Rudolph Franken, si e wordo condena pa asesinato den prome grado,” segun e fiscal principal, Clifton Drake.

E prome factor grave cita tabata cu Franken (61), tabata envolvi den un intento di comete abuso infantil grave ora cu dia 15 di Maart, el a hinca su  yiu homber, Frederick Franken Jr., kende Drake a referi como RJ, y mat’e den su cas situa na Rawlins Court, den Bluewater Bay.

E di dos factor ta mustra cu e atake “tabata teribel, atroz of cruel.”

Comments

comments