Djaweps 20 di yüni 2019, alrededor di 14.37 or, Sentral di Polis a dirigí diferente unidat polisial na Grenadaweg pa un establesimentu na kandela. Na yegada di e unidatnan polisial na e sitio, nan a konstatá ku e establesimentu tabata bou di kandela di un dimenshon ekstenso. Unidatnan di bombero ku a yega na e sitio, despues di algun ratu a logra di a paga e kandela ekstenso aki.
Un kas den e kaya ariba menshoná a haña daño di kandela i parti di un muraya a haña un skür. Debí na intensidat di e kandela i e kantidat di huma algun otro kas mas den e bisendario a konfrontá problema ku esaki. Tres (3) famia di e propiedat ku a kima a bira malu na e sitio i ambulans a transportá nan pa poliklínika di SEHOS pa tratamentu médiko. Kousa di e kandela ta den investigashon.
