Esmee Steneker ta studiando na Universidad na Hulanda como Mondhygienist. Nan ta na Hogeschool Inholland Academisch Centrum Tandheelkunde. Como stagiaire a acerk’e tambe pa e splica unda e gana a cay pa bin Aruba pasa e stage. E ta siña hopi y ta bay hopi bon segun Esmee Steneker.

El a splica cu nan a haya e chens pa bay stage y el a hay’e leuk. E stage den exterior tabata hopi interesante pa mira con e cuido bucal ta den otro paisnan y con ta trata nan. Kico ta e tratamentonan. Un posibilidad di esaki ta pa bin Aruba, cual segun Steneker tabata algo diferente.

Awor aki nan ta den nan parti final. Nan a siña mas hopi durante e stage aki, compara cu scol, mirando cu na scol nan ta trata 1 pa 2 pashent pa siman. Na Aruba nan ta trata mas di 10 pashent pa dia. Aki nan  a siña asina hopi y tambe nan ta mira otro cosnan compara cu Hulanda.

Steneker ta haya hopi leuk pa yuda otro hende. E ta haya e profesion aki uno hopi interesante. E idea tabata di su mama, pa sigui e estudio aki y pa bay profundisa den dje. El a meld prome na Utrecht. Door cu e no tabata sa kico e kier a bay haci, pero e no a logra drenta. Su motivacion toch a sigui crece y a bay Amsterdam y a logra drenta e academia. E ta hopi contento cu e ta na e scol aki.

Esmee Steneker a splica cu ora e caba e tin pensa di cuminsa traha mesora pero kizas sigui mas curso cu ta relaciona cu su carera. En todo caso e kier sigui desaroya su mes. E ta pensa si prome cu e ta bay cuminsa traha. Banda di esey e lo mira kico e lo kier haci y mira unda su interesnan ta aden. Segun e, awor nan ta menos cu 20. Den nan klas tin mas of menos 70 studiante.

Esmee y Melissa a siña hopi durante nan stage na Aruba

Esmee y Melissa a siña hopi durante nan stage na Aruba

Posted by 24ora on Tuesday, May 7, 2019

 

No ta mucho di nan ta bay afo y ora cu nan yega, nan por duna un presentacion di kico nan a haci y siña. Esey ta pa motiva e otro studiantenan pa haci e stage y kico nan por experencia. Si por haya e chens pa sigui cu e stage, ta gar’e den bo man y siña mas cu bo por. El a splica riba e motivacion pa sigui stage afo. El  a haya e splicacion di Mirto Tromp hopi bon. E ta pensa cu Tromp ta realmente un docente y cu lo tin hopi gana di bay traha como docente na Hulanda. Sigur e ta un bon stagebegeleider y un docente, Steneker a expresa por ultimo.

Comments

comments