Ta algun dia tras di otro caba cu Polisnan di Strandpolitie mester interveni entre operadonan di watersport entre Hyatt Regency y Barceló Hotel, pa conflicto constantemente. Ta parce cu e leynan cu Gobierno a anuncia pa regula watersport riba beach mester drenta na vigor urgente. A base diario tin e mesun tipo di conflictonan asina, pelea, ofrece turistanan servicionan ilegal, husstle cu prijs y asina por menciona un lista largo di kehonan drentando. AHATA a purba di tur forma pa presiona Gobierno pa tuma accion y laga hotelnan mes maneha nan beach, pero intentonan tabata envano. Esaki ta e consecuencia di awemainta. Polis a bolbe bay pa planta respet y pa “purba” mustra e turistanan cu nos isla ta esun di mas sigur den Caribe.