Errol Zebeda nombra Representante Regional pa Region Americas y Caribe di CHI.

Errol Zebeda nombra Representante Regional pa e Región di Americas y el Caribe y den e funcion ey e ta miembro di e Hunta di Supervision Internacional (Supervisory Board CHI).

Dia 07 di noviembre 2018 durante e 9th International Consultation di Child Helpline International (CHI) cu a tuma luga na Toronto, Canada, Zebeda a keda elegi como Representante Regional suplente (Deputy Regional Representative). CHI ta un organizacion internacional funda na aña 2003 y e tin como obhetivo pa yuda tur organizacion cu ta duna ayudo via telefon na mucha y hoben na diferente pais na mundo. CHI tin 176 organizacion miembro y nan ta representa 145 diferente pais den tur continente. E sede / oficina principal di e CHI ta na Amsterdam, Hulanda.

Tin cinco region den CHI cu ta Africa, Americas y Caribe, Asia – Pacific, Europa y MENA (Middle East & Northern Africa).

Zebeda, ta un di e fundadornan di Fundacion Telefon pa Hubentud Aruba y actualmente e ta Presidente di e Directiva. E a participa na nivel regional y internacional den e trabou di CHI. Asina e tawata orador of facilitador durante congresonan di CHI na entre otro Republica Dominicana (2006), Aruba (2007), Colombia (2009) y Costa Rica (2017).

Tur e conocimiento y experiencia di Errol Zebeda ta altamente aprecia mirando cu el a keda elegi como Representante Regional suplente di Region Americas y Caribe diaranzon 07 november 2018 na Toronto, Canada. Foi juli 2019 e a bira Representante Regional interino y aworaki dia 10 di october 2019, Zebeda a subi den posición y nombra Representante Regional CHI pa e Region Americas y Caribe.

Den e funcion aki Errol Zebeda tin e responsabilidad pa representa 28 organizacion cu ta miembro completo (full member), 06 organizacion cu ta miembro associado (associate member) y 03 organizacion cu ta miembro potential. Ya caba Zebeda ta trahando riba e preparación pa un conferencia regional cu ta bai tuma lugar den maart 2020 na Montevideo, Uruguay. Tambe otro tarea ta prepara un investigación riba maneho operacional di e organización miembro den e región.