Eror grandi: Kustwacht a casi mata piscadonan cu boto riba lama

9273

Un noticia cu a keda bon scondi ta e incidente cu a sosode diabierna anochi riba lama. Dos piscador cu e boto Mi Mami a hera muri ora cu e boto di Kustwacht Metal Shark a bin dal masha duro den nan boto. Un di esnan den e boto a keda levemente herida. E boto Mi Mami tabata navegando cu su luznan cendi.

Asina mes e boto di Kustwacht a bin dal net center di e boto y causa hopi daño. Un daño cu nunca mas lo laga e boto 100%. E boto di Kustwacht a dal den Mi Mami y djey bay halto kibra e console den e boto. E impacto aki a causa cu e capitan a keda herida cu sla na brasa. Un tiki mas a sink e boto Mi Mami tambe.

Cinco hende tabata tin den e boto di Kustwacht y segun nan a bisa cu ningun di nan a mira e boto Mi Mami. Kiermen cinco hende den boto y tur cu atencion den otro direccion y no ta mira un boto cu luznan cendi su dilanti. Pesey mes e botonan di pazuid luz paga ta drenta manera nada cu ilegal y droga pasobra hasta esun cu luz nan no ta mira anochi. Despues di causa e daño riba e boto y hera mata hende, esnan di Kustwacht a hiba e boto Mi Mami Kazerne na nan base pa nan mes coba y inspecciona.

Eror grandi: Kustwacht a casi mata piscadonan cu boto riba lama

Eror grandi: Kustwacht a casi mata piscadonan cu boto riba lamaClick link pa mas: https://24ora.news/3j7XeWW

Posted by 24ora on Saturday, September 26, 2020

Durante dia diasabra nan a hiba e boto bek pa su doño. E boto Mi Mami ta un fuente di cuminda pa su doño y otronan cu tambe ta pisca. Awor e personal di Kustwacht a bisa e doño pa e bay na Maritiem Politie entrega un keho of duna un declaracion pa wak con lo bay atende cu e daño.

Un daño cu kizas Kustwacht lo tin cu paga pero cu hamas lo laga e boto den condicion pa subi lama prome cu nan a dale kibra y hera mata hende pa falta di atencion. E informacion aki e vocero di Kustwacht no a haya for di e hefenan di Aruba pa manda pa prensa. Probablemente awor cu e noticia a sali nan lo sali pura core manda algo pa hustifica e fayo di Kustwacht. Mientrastanto e piscadonan den pleno crisis ta keda sin nan boto pa asina por sigui busca cuminda pa cas.