EPB San Nicolas su jump-up tabata fenomenal

1570

Participacion di scolnan den temporada di Carnaval ta un estimulo/aporte grandi na engrandecemento na nos Cultura. Entre tur e otro scolnan cu tin nan actividad, Educacion Profesional Basico San Nicolas ( EPB ) no a keda afo.

Despues di preparacion y hopi entusiasmo di parti di tur hende, e dia a yega y diahuebs mainta a subi caya un grupo grandi di alumno acompaña cu docentenan bou animacion di e King of Soca Antoni Gario y Le Groove.

Ambiente den Jump up di EPB San Nicolas

Ambiente den Jump up di EPB San Nicolas

Posted by 24ora on Thursday, February 13, 2020

Un cantidad di 750 alumno a forma parti di e mainta exitoso aki, caminda por a conta na principio cu 400 cu a inscribi pa e jump up. Ambiente a cuminsa for di 9:30AM riba camindanan di San Nicolas y a finalisa 12:00PM na scol bek.

Un actividad cu a bay den tremendo forma, tur cos a cana manera programa y a caba sin ningun sucedido alguno. Na tur alumno cu a forma parti di e mainta aki, ta bay gradicimento pa e bunita comportacion.