EPB contento cu 76% di su studiantenan a slaag

Un total di 312 studiante a participa den examen di Educacion Profesional Basico (EPB) Oranjestad y 76% di nan a logra slaag di biaha. Esaki ta algo cu e Director, Ludwina de Cuba y e staff di docente ta hopi contento cun’e. Aunke cu aña pasa tabatin 78% di studiantenan cu a pasa e prome tanda cu exito, cu ta mas cu e aña’ki, mester tene cuenta cu den e grupo cu a caba di pasa examen tin mas studiante cu a bini como “doorstroom”.

Tin examen cu ta wordo traha na Papiamento y otronan na Hulandes, cual ultimo aki ta un poco mas dificil. “P’esey nos ta bisa cu e resultadonan ta aceptabel.”

EPB contento cu 76% di hobennan cu a slaag den prome tanda

EPB contento cu 76% di hobennan cu a slaag den prome tanda

Posted by 24ora on Thursday, June 13, 2019

Di e total di candidatonan pa examen, 76% a pas’e cu exito, y di e resto tin 13% cu ta bay pa Her Examen. Di e grupo aki tin un grupo basta grandi cu tin chens di slaag den e di dos tanda, cu ta haci cu na final nan tin mas cu 80% di alumnonan cu a gradua. Y tambe nan tin 11% di e alumnonan cu no tin ningun chens mas.

Na e alumnonan cu ta bay haci un intento den HER, Juffrouw de Cuba ta bisa nan probecha pa e tres dianan cu ta sigui, concentra riba boso material y dal e extra pusha pa boso logra finalisa e examennan aki cu exito.

Den categoria di Servicio tabata 99 graduado: Economia tabatin 99 graduado y techniek 38 graduado. Pa un total di 236 graduado.

Comments

comments