Entrenador di Baseball haya morto den cas

Bisiñanan di un cas na Pos Chikito Complex a cuminsa haya falta di un persona cu desde di paar di dia no a mir’e. Un persona a laga sa cu diahuebs ultimo tabata tin contacto cune, pero su bos tabata sona hopi zwak. Diasabra henter dia nan no a wak e mes y un amigo hopi cerca di dje a bin na e cas pa wak si ta logra haya contacto cune. A yam’e via su celular y ta scucha e celular ta ring den e cas. Ora a bay parti patras di e cas y a wak via bentana, a wak e persona drumi riba cama pero no tabata move ni duna ningun señal di bida.

Aki Polis a wordo notifica y Brandweer tambe a wordo yama pa asina forsa e porta pa habri, pa asina por a drenta cas. Enberdad a topa cu e curpa di e habitante cu ta no tabata duna ningun señal di bida. Ambulance a bini pero e paramedico no por a haci nada mas y a keda den espera di Dr. Texier cu a yega un tiki promer cu 8’or di anochi pa constata morto oficial di Sr. Dickson Manuela, den su bida entrenador di baseball pa hopi aña. Di parti di 24ora condolencia y hopi forsa na famia, amigo, coleganan y conocirnan.