Entrega di diploma na miembro nobo di polis i kustwachter

Durante un seremonia na Magasina di Rei na Boneiru, politieacademie Nederland a entregá 20 studiante di KPCN i Warda Kosta nan diploma. Alabes Direktor di Warda Kosta a huramentá e studiantenan komo Buitengewoon Agent van de Politie (Bavpol) di BES.

Dies di e studiantenan di Warda Kosta lo sigui e nautische opleiding pa por funkshoná komo Kustwachter. Tur e studiantenan a terminá nan estudio di dos aña di basis politie opleiding (BPO).

E studiantenan a ser di tèst físikamente i mentalmente durante di e entrenamentunan di formashon i tambe e parti teorétiko. Ku e resultado akí e hòbenan di Aruba, Kòrsou, Boneiru i St. Maarten tin awor nan diploma di MBO3 den nan man. Komo polis i kustwachter nan por ehersé nan trabou komo outoridat pa protehá i kombati kriminalidat riba tera i laman. Si bo tin interes pa bira kustwachter i bo ta entre 18 pa 23 aña i bo ta biba na un di e islanan, bo por manda Warda Kosta un mail via [email protected].

Comments

comments