Entrega di buki “Pelea di Gai na Aruba” na Archivo Nacional

Archivo Nacional Aruba recientemente a haya bishita di sr. Mario “Mayon” Arends, unda el a haci entrega di un publicacion titula “Pelea di Gai na Aruba”, na director di Archivo Nacional sr. Raymond Hernandez.

E buki di sr. Mayon Arends ta trata diferente aspectonan di pelea di gai na Aruba y ta ensera e dimension di historia, tradicion, cultura y tambe deporte. Cu e buki aki e ta spera di por trece mas informacion y sigur mas claridad riba e topico aki, pa tur esnan cu ta interesa pa sa mas.

Den e buki aki tambe e ta duna un splicacion tocante e palabra “gayero”, ta bay den historia di “gayero” den region y e desaroyo aki na Aruba mes. Mescos tambe e ta pone atencion na e tecnicanan y reglanan di gayero aki na Aruba.

Pelea di gai, kizas contrario na loke hopi ta pensa, ya no ta un deporte clandestino, ya cu na aña1990 esaki a wordo incorpora den un landsbesluit cu ta regla Landsverordening di Hazardspelen.