Djabièrnè 5 di yüli 2019, alrededor di 17.50 or, Tim di Mantenshon di Órden Públiko, a tene entrada hudisial na un kas den área di Kenchán. Esaki en konekshon ku violashon di e Lei di Opio i e Lei di Arma di kandela. Durante di e investigashon na e adrès en kestion, polis a haña i konfiská un pistol ku munishon di e marka ‘glock’. En konekshon ku esaki a detené dos (2) hòmber sospechoso:
- Sh.D.M.V., di 21 aña di edat i
- S.E.A.T., di 23 aña di edat, ámbos nase na Kòrsou. A presentá tur dos sospechoso dilanti un Fiskal Ouksiliar ku a ordená nan enkarselamentu pendiente di mas investigashon.
