Entiero ta bay di normal nobo pa normal bieu

2334

E situacion di Coronavirus no a haci mucho efecto riba e parti di entiero pa Aurora Funeral Home, pero solamente mester a haci cambionan. Nan trabou ta continua sea cu of sin Coronavirus. E cambio cu nan mester a haci ta pone 10 hende den funeraria, pone hand sanitizer pa hendenan, dirigi hendenan ora di funeraria.

Nan no a pone anuncio di morto cu fecha asina no tabata invita niun hende pa entiero. A purba di mantene y el a bay bon, segun Anthony Latam, director di Aurora Funeral Home. E Coronavirus a pasa den 2 luna, pero si esaki a dura 6 luna e ora si nan lo a cuminsa sinti esaki. Minister Andin Bikker a bisa pa entiero cosnan ta keda mescos, di cual e funeraria a mantene esaki asina, pero nan tin pensa di pone condolencia anochi atrobe. 

Entiero ta bay di normal nobo pa normal bieu

Entiero ta bay di normal nobo pa normal bieu. Click link pa mas

Posted by 24ora on Wednesday, May 27, 2020

Latam a sigui bisa cu nan lo mantene e distancia pa por cuminsa haci esey, ya cu nan a stop tur condolencia. Tabata haci entiero 1 ora so, pero awo a cuminsa bek na 2 ora. Gobierno a bisa cu entiero lo bay normal bek y p’esey nan a cuminsa adapta na esaki. Pa 2 entiero a haci esaki estilo drive thru y el a bay bon, kendenan a haya permiso di gobierno pa haci asina. Pa mayoria parti ora tabatin e Coronavirus, hendenan kier a dera mas lihe posibel, segun Latam.