Minister Armin Konket, den kuadro di mehorá integridat den nos aparato públiko, ta koperá ku Ombudsman di Kòrsou ku un enkuesta bou di empleadonan públiko.
E enkuesta su tópiko ta “Konflikto di interes den aparato públiko ”. Tur empleado públiko ta risibí di Ombudsman un lista ku 12 pregunta digital. Di e forma aki ta trata na haña un bista si empleadonan públiko ta na altura di regla i prosedura ku tin den aparato públiko pa prevení, mèldu i kombatí konflikto di interes. E maneho di integridat di Minsiter Armin Konket ta enfoká riba prevení i kombatí
korupshon. Resultadonan di e enkuesta aki lo keda bon usá den e seri di aktividatnan ku e minister a inisiá pa mehorá integridat den aparato públiko. Un di e aktividatnan aki ta pa pèrkurá pa tur empleado públiko huramentá i eduká nan pa nan sa kiko esaki ta enserá. Tambe a trein un tim diversifiká pa duna ‘training’ tokante integridat.
Alabes ta trahando riba mehorá e komunikashon interno pa tur hende ta na altura di kiko por i kiko no por. ‘Last but not least’ e resultado di e enkuesta aki lo ta di bon uso pa e unidat di integridat ku lo bini otro aña. E unidat di integridat aki tin komo meta entre otro pa investigá sospecho di violashon di
integridat i pa duna konseho kon sea drechá i òf sanshoná violashon di integridat den aparato públiko. Tambe e unidat aki lo i kontrolá si Gobièrnu ta ehekutá e konsehonan duná. Minister Armin Konket ta aportá di e forma aki na realisá un aparato públiko honesto i konsekuentemente na un Kòrsou Honesto.
