Djárason mainta, dia 27 di novèmber último, sekretariado di e Kolegionan di Supervishon Finansiero (Cft) (Kòrsou i Sint Maarten, Aruba, Boneiru, Sint Eustatius i Saba) a bishitá sekretariado di Konseho Sosial Ekonómiko (SER) di Kòrsou, kaminda e sekretario di Cft, ku
resien a ser apuntá, sr. Ray Thuis, a topa ku sekretario di SER sr. Raul Henriquez, den presensia di konseheronan di ámbos institutonan.

Durante e enkuentro introduktorio e asesornan tékniko di Cft i di SER a papia den liñanan grandi riba nan respektivo trabounan i a ekspresá e deseo pa interkambiá riba nivel tékniko informashon ku otro ku por ta relevante pa nan trabounan diario. Mas aleu e delegadonan a indiká e nesesidat pa riba término sigui den kombersashon ku otro riba nivel tékniko enkuantu temanan ku ta regardá sustentabilidat di finansa públiko i desaroyo sosioekonómiko. Riba e foto: e delegashonnan den kombersashon ku otro.

Comments

comments