Recientemente Endy Croes presidente di Aruba Softball Bond hunto cu Francisco Chipen Chirino a representa Aruba na Cogreso Mundial di WBSC esta World Baseball and Softball Confederation cual a tuma lugar na Botswana Africa. Durante e Congreso aki tambe tabata tin diferente Lidernan politico cu ta asocia nan mes cu deporte. Presidente di Federacion di Baseball Panameño Benicio Robinson alaves ta Presidente di Partido Revolucionario Democratico di Panama y tambe ta actual Diputado na Panama. 30 di October 2016 tabata tin elecion pa e Comitee Ehecutivo Nacional di Partido Revolucionario Democratico unda Benicio Robinson a bolbe wordo re-eligi como presidente di e partido. Mediante deporte nos a logra hiba combersacionnan hopi interesante riba temanan politico serando asina un bon amistad pa futuro. Panama sigur tin hopi pa brinda. Networking ta keda algo importante y por tuma nota con mediante deporte portanan ta habri pa aporta na Bo pais den tur sentido di palabra. A keda palabra cu Benicio Robinson y Endy Croes lo bay tin un encuentro den luna nan nos dilanti pa asina por elabora extenso riba diferente tematica entreotro deporte. Riba e potret por aprecia di links pa rechts Benicio Robinson Presidente di Federacion di Baseball di Panama y Presidente di Partido Revolucionario di Panama, Endy Croes Presidente di Federacion di Softball di Aruba y Danilo Velasco Presidente di Federacion di Softball di Panama.
