“Xiomara ta rabia”, asina un fuente den Partijraad a confirma redaccion di 24ora.com. Dialuna cu a pasa tabata tin partijraad di MEP. Eynan tabatin eleccion pa directiva nobo di partido. Durante e eleccion Hendrik Tevreden a wordo nombra como presidente. Mientrastanto tabatin mas pocision den partido cu mester a wordo yena. Xiomara Maduro despues di e eleccion, ta sinti cu no tin confiansa mas den dje. El a perde den e eleccion di Partijraad pa Secretario General.
MEP tin directiva nobo. Endy Cores a gana Xiomara ampliamente den e resultado di voto. Kiermen henter partijraad no kier Xiomara como secretario general.
Despues di e resultado parce cu Xiomara como perdedor aplastante a sapatia y haci manera ta mocion di desconfiansa a pasa contra dje. E mes parce no ta compronde cu e cos a bay a base di votacion pa diferente funcion den directiva. E realidad ta cu den pueblo Xiomara Maduro a decepciona tur hende cu a dune sosten y confiansa. Loke e tabata grita eyfo den opocision no ta briya den su maneho como minister. Si bo propio partijraad a vota contra bo, niifca cu den pueblo e lo ta pio. Esaki ta informacion confirma na 24ora.com for di paden mes di esnan den partijraad. Tur cos ta mustra cu e minister Xiomara lo core sali grita atrobe cu ta fake y bay bringa riba Face Book etc. Pero e no por sconde y core pa e realidad cu el a perde y Endy Croes a gane den voto aplastante cu a pone rabia.
