En bes di pasa Pasco den friu: Awo lo canta dande den KIA

18538

Un homber local a soña cu pasa Pasco den friu e aña aki, anto na Hulanda. El a bisti su jacket special awe pa subi KLM rumbo pa Hulanda, cu su curpa bon paketa cu droga. Pero Duaneronan atento a frustra su plan y a deten’e, pa cual awo lo canta dande, pero cera den KIA. 

En bes di pasa Pasco den friu: Awo lo canta dande den KIA

En bes di pasa Pasco den friu: Awo lo canta dande den KIAClick link pa mas: https://24ora.news/37lfQ0Y

Posted by 24ora on Sunday, November 29, 2020

Henter e fin di siman aki Duaneronan tabata riba alerta special pa mulanan di droga cu plan pa drenta Merca y Europa cu droga for di Aruba. A percura pa extra vigilancia cu cacho y cu extra personal na frontera, pa nota movecionnan sospechoso di pasaheronan riba algun vuelo specifico.

“Meneer, bo por compaña nos un rato pa un control?”

Awe tardi a nota un di e figuranan asina y ora cu recherchenan di Duana a acerc’e y a identifica nan mes cu nan carchi color oraño, mesora e homber a sak cabes, admitiendo cu e ta tur shora cu droga rond di su curpa. Den casonan asina, ya Duaneronan lo a “frame” e pasahero aki di basta rato caba, ta sigui’e via camara y canando su tras sin cu e sa mes. Hendenan asina, door cu nan sa cu nan tin droga shora na nan curpa, ta soda hasta den friu!

Bodypack ta fo’i moda

E fenomeno di “bodypack” tabata masha popular prome cu aña 1990, den cual ta plak droga pafo di bo curpa ora di biaha. Por ehempel na lomba, na barica, na bil, na rudia, etc. Den pasado tabata sconde droga paden di e faha of den sapato. Mirando tur tecnologia moderno na aeropuertonan, mulanan ta uza e sistema aki menos. No solamente cu mashinnan moderno, sino tambe cu formanan eficiente pa sigui psaheronan y detecta nan comportacion nervioso. 

A pasa e sospechoso pa polis

Despues cu recherchenan di Duana a detene e homber local, a interog’e na Aeropuerto mes, a saca su maletanan for di avion y despues hib’e ward’i polis. Na oficina di recherche di crimen organisa di polis lo mester investiga ken a mand’e y pa ken e droga lo ta. Mayoria biaha e mulanan no ta papia y ta tuma nan castigo trankil sinta den KIA na Santo di Patia. 

Castigo pa mulanan di droga

Castigonan pa transporte di droga asina den avion ta varia depende e tipo di droga y e peso, banda di e balor cu e mercado ilegal aki tin den e pais. Por ehempel cocaina na Europa tin mas balor cu e mesun droga na Merca. Balor di droga den paisnan Latino Americano tambe ta hopi abou.