Sindicato ABV cu ta representa trahadonan di Dr. Horacio E. Oduber Hospitaal a informa cu mayan diamars mainta pa 9:00am lo tin un walk-out. Trahadonan di Hospital lo protesta pa mustra nan malcontento contra e trabou pesimo haci den construccion di edificionan nobo y e renobacion di e edificio existente. A haci demasiado eror cu pa e sindicato awo ta inpordonabel!
Ta pudi pashentnan y comunidad general pa tambe uni na nan protesta y para band’i nan. Di e forma ey kier mustra SOGA y e contratista Arellano cu nan no ta contento cu locual nan ta entregando.
E proyecto a start bao di Minister dr. Richard Visser y a cuminsa na 257 miyon florin. Sinembargo, falta di control y bon planificacion ta causando retraso den e proyecto y un cantidad considerabel di “meerwerk”. Consecuentemente e presupuesto aloca a bira mas hopi awo.
