Empleadonan di CEA a ricibi nan certificado di IBT

Empleadonan di CEA a ricibi nan certificado di IBT

Empleadonan di CEA a ricibi nan certificado di IBT

Posted by 24ora on Wednesday, April 17, 2019

Diaranson durante dia a tuma luga un otorgamento di certificado na miembronan di CEA, na marinierskazerne. Segun hefe di CEA, Ronny Geerman, e certificado a wordo duna door cu nan a participa 4 dia na un curso di IBT, caminda esnan exitoso a haya nan certificado pa esey.

E curso a encera wapenleer, esta con ta haci uzo di arma. Tambe con bo ta haci tecnicanan di detencion, esta domina hendenan cu ta causa problema y con pa detene nan, pa asina pas’e over na autoridad.


Mas curso

Geerman a comenta cu nan ta bezig cu un otro curso, mirando cu ta cabando cu e reorganisacion. Un di e punto di reorganisacion ta, pa duna e empleado mas opleiding. Un di nan ta e basiscursus y tambe ta bin opleidingnan specialisa, tambe transport pa detenidonan unda cu nan ta haya curso. Tur e departamentonan di CEA ta bay haya un opleiding traha a nan.

Hunto cu marinierskazerne

Den e caso aki marinierskazerne tin un instructor diploma cu por duna un curso, pa asina cu e certificado tin un valides y CEA a aprecia marina pa por yuda cu esey. Geerman ta contento di por a haya e ayudo aki for di kazerne pa por completa e curso aki.

Prome curso

Esaki ta e prome curso cu a organisa y ta den palabracion pa wak kico mas tin mester. Ta bezig cu un grupo di Hulanda cu tambe ta duna curso. Geerman ta bezig ta wak unda por haya e miho partnernan pa por duna les, pa asina tin e miho opleiding pa e personal.

Sosten pa autoridad

CEA ta sostene polis, KIA, Corte. Nan ta hopi caminda den e cadena hudicial, caminda cu tur empleado ta entrena pa por duna e miho aporte den nan trabao, den nan ramo y den e departamento cu nan ta yuda.

Arma

E empleadonan cu ta carga arma ta esnan cu ta traha na KIA, esnan cu ta transporta detenidonan tambe tin arma. E intencion pa den futuro pa tin mas departamento di CEA cu por ta arma, pa asina por brinda miho siguridad na pueblo di Aruba.

Gradicimento

Geerman ta gradici comandant di marina, cu a pone e kazerne disponibel pa CEA. Tambe e comandante di DBBO, sr. Dijkhuis, cu a organisa e curso y corporal Tromp cu a duna e curso. Tambe e empleadonan, Semerel, Flanegien, Boye, cu a haci e curso aki posibel.


Comments

comments