Adrelis Zambrano ta reina di Calloway Corporation

Calloway Corporation tin un comision cu ta organisa fiestanan p’e empleadonan y e ultimo grandi tabata e fiesta di Pasco.

Empleadonan di Calloway a gosa un mundo durante nan eleccion di reina

Empleadonan di Calloway a gosa un mundo durante nan eleccion di reina

Posted by 24ora on Wednesday, February 27, 2019

Awo nan a dicidi di haci algo diferente y a scoge pa haci eleccion di reina. E trahadonan
a tuma esaki bon y tur hende a core inscribi. Tabatin 6 participante den e eleccion di reina di Calloway. E animacion y ambiente tabata excelente, cual e feedback cu e comision a ricibi tabata bon.

Segun Rose-Ann Leon, departamento di contabilidad, tur hende kier a participa. A organisa e evento aki pa prome biaha, e tabata hopi bon. E participantenan mester a trece e balor den e speech, pasobra e compania tin 7 balor. Cada reina mester a scoge un di e balornan y esey nan mester a representa den nan speech. E bisti di e participantenan mester tabata recicla, nada cumpra pero tur cos cu por tin pa por a traha cun’e.

E evento tabata cortico pasobra tabata prome biaha y no por a haci esaki pa hopi minuut. E muchanan di Buleria tabata presente y a haci un tremendo trabou. Tabata un dushi ambiente y tur hende a gosa. E rey di tumba a corona a corona e reina di Calloway. E reina di Galloway ta Adrelis Zambrano, 1st runner up tabata Maria Quandt, best costume tabata di Natalia Leon, best speech y best show tabata di Adrelis Zambrano.

E comision ta gradeci manager general Vincent Bell di a participa na e actividadnan. Ta gradeci tur hende cu a duna un man cuminsando for di e manager general, cada trahado, e comision, e huradonan y mc. E comision tambe ta gradici tur prensa cu tabata presente.