Emiliano Sala: ta localisa un curpa den e avion cu a cay

Investigador di accidentenan aereo a bisa cu nan a conclui cu e restonan di un avion den fondo di lama cerca di Guernsey, tabata di e avion desapareci cu a transporta e futbolista Argentino, Emiliano Sala y cu por a mira un curpa den e interior.

E delantero di 28 aña a biaha dia 21 di Januari for di nantes, west di Francia, cu e piloto David Ibbotson pa haci su debut cu e ekipo Gales, Cardiff City, ora cu e avion a cay.

“Riba e base di e analisis di e imagennan di video di ROV (Vehiculo subactuatico opera riba distancia), investigadornan di AAIB abordo di e barco a yega na e conclusion cu e obheto ta e restonan di e avion Piper Malibu perdi,” e departamento di Investigacion di Accidentenan Aereo di Gran Britania a bisa den un comunicado.

“Lastimamente, den e imagennan di video di ROV, por mira un ocupante entre e restonan. AAIB awo ta considerando e proximo pasonan, den consulta cu e famianan di e piloto y di e pasahero y cu polis.”

Comments

comments