Despues di exactamente 60 ora y 52 minuut, Emely Wernet a bay cas cu su auto nobo, Chevy Aveo 2018. El a resulta e ultimo participante den e Hand A Thon celebrando 20 aña di e radio emisora Magic 96.5 FM.
En total a saca 12 participante cu a competi pa ganae auto. Nan ta Kinsasha v.d Bliek, Michael Geerman, Maxromy Brown, Giannio Croes, Jasmil Maduro, Sharon Robert, Lev Varela, Flaviana Arcaya – Panneflek, Marc, Urueña, Emely Wernet, Carlon Janga y Jean Claude Navarette.
Mester menciona cu e no ta facil pasobra e participante mester scoge unda e ta para y den ki posicion y e mester keda para asina, uzando e mesun man, durante henter e trayectorio.
E evento a start diahuebs 5:30pm den Aruba Entertainment Center y a termina diadomingo mainta. Pabien na Emely y na Magic FM pa su evento pa celebra su di 4 lustro den aire.
