Elsa Rozendal di MAN ke sa kon ta pará ku proyekto ‘Retoke’

Durante tratamentu di Presupuesto 2019, riba proposishon di Frakshon di MAN, Parlamento a aprobá un amienda pa aloká fondonan pa e proyekto ‘Retoke’ di ministerio Desaroyo Sosial Labor i Bienestar. 

ADV

Ku e proyekto ‘Retoke’, ku ya a insisiá den pasado, a demostrá ku por kita un problema chikí for di kaminda ku tiki sèn, i e pueblo ta haña un ganashi grandi. 

E proyekto ‘Retoke’ ta enserá ku Gobièrnu ta laga drecha un kos na kurpa di kas di un persona, por ehèmpel, un porta, un bentana, un baño, ètsetera. 

Rozendal ta kere sigur ku e proyekto aki por duna un alivio na hopi hende i drecha e kalidat di bida di nos hendenan, sigur mirando e situashon sosial prekario ku tin den nos pais.  Den e kuadro aki parlamentario Rozendal a hasi algun pregunta na minister. Entre otro e parlamentario tabata ke sa si a ehekutá e proyekto kaba, kuantu kas (di famia) a keda yudá pa medio di e proyekto ‘Retoke’ i kua ta e proyektonan sosial ku e minister a ehekutá den 2018.

Comments

comments