Elsa Rozendal a entregá varios buki di lesa pa e biblioteka di Schotborg School

70

Riba Dia di Alfabetisashon ta para ketu na importansia di lesamentu i riba e echo ku lesamentu i lesa pa mucha ta krusial pa desaroyo di un mucha.  Tambe lesamentu ta kontribuí na eradikashon di analfabetismo. 

Rozendal ta hopi kontentu ku Schotborg School ta un di e skolnan ku tin su propio biblioteka pa stimulá su alumnonan pa lesa. Esaki a motivá parlamentario Rozendal pa entregá e skol varios buki di lesa pa amplia e kolekshon eksistente. 

Parlamentario Rozendal ta aploudí tambe inisiativanan manera ‘Kashi di Buki’ di SIGE, ku ta situá na diferente lugánan públiko, pa asina muchanan por entretené nan mes dor di fia buki pa lesa. Esaki sigur tambe ta duna un aporte pa stimulá lesamentu bou di nos muchanan