Recientemente NV Elmar a tuma nota di declaracionnan haci exclusivamente na e media mas grandi di Aruba, esta 24ora.com, cu semper ta habri pa scucha pueblo, door di un grupo di famia perhudica door di un cliente di NV Elmar.
E cliente di NV Elmar en cuestion a firma pa desconecta e servicio na su percela. Ora cliente pidi esey NV Elmar mester cumpli cu e peticion. Despues cu e trabou a keda haci, a bin sali na cla cu e cliente tabata duna mas hende riba e mesun tereno coriente via su instalacion. Esaki ta algo cu NV Elmar no tabata na altura di dje!
Aunke cu NV Elmar tin comprension pa e situacion, segun procedura y ley, no por conecta servicio di coriente sin autorisacion di e doño di e percela. Mirando e situacion fastioso aki, NV Elmar a bay haci uninvestigacion na e percela y a constata cu e instalacion di coriente no ta cumpli cu e normanan di instalacion di coriente.
NV Elmar a pone DTI na altura di e situacion na e sitio. NV Elmar ta lamenta cu e cliente aki a pone e 18 famianan den e situacion dificil aki.
