E prome resultadonan di vota conta awetardi na VNO ta indica cu partido CDA ta e ganador absoluto den eleccion pa Parlamento Euorpeo na Aruba.
Partido CDA a haya 382 voto cu ta reprsenta mas di mitar di e votonan deposita na Aruba. Partido CDA por a conta cu apoyo di partido AVP na Aruba. E otro partido cu tabata den e contienda na Aruba ta D66 cu a conta cu apoyo di partidonan di coalcion MEP/POR/RED a haya 97 voto.
Ainda ta contando e otro partidonan cu ta mas chikito. Na Hulanda partido CDA no ta e partido mas grandi pero na Aruba si e partido Cristian Democrata CDA a sali e ganador absoluto.
