Eleccion pa Parlamento Europeo na Hulanda: PvdA ta keda e partido mas grandi

Durante e eleccion pa Parlamento Europeo na Hulanda, PvdA parce tin cinco asiento den Parlamento Europeo. VVD y CDA ta bay cu cuater asiento, GroenLinks y Forum for Democratie cada un tin tres.

Esaki ta evidente for di un encuesta (exitpoll) di e agencia di investigacion Ipsos den nomber di NOS, cu tambe a inclui voto di e votantenan den e ultimo mey ora caminda e urnanan electoral ainda ta habri.

E asientonan den e encuesta di e salida final, no ta diferencia di e distribucion di asientonan cu a anuncia pa 9’or di anochi. E exitpoll tin un margen di eror di un asiento pa partido. E partina npor wordo obteni mas of menos un asiento di loke ta indica den e expectativa aki.
Es decir, si tin un diferencia di asiento entre dos parti den e exitpoll, e resultado real por ta parobes.

Cu mas di 41 porciento, e participacion parce ta ligeramente mas halto pa loke ta trata e eleccionnan anterior di 2014. D66 ta den e encuesta aki den dos asiento, como tambe ChristenUnie y SGP cu tin un conexion di lista. PVV, SP y 50Plus lo tin cada uno un asiento, mientras cu Partij voor de Dieren no lo wordo representa den Parlamento Europeo. Dado e margen di eror, e ultimo cuater partinan ta preocupa si nan lo haya un asiento.

Debi cu mayoria di e otro estadonan miembro di Union Europeo, e votonan ainda mester wordo emiti, no lo bay tin resultado awe nochi. Cu excepcion di Hulanda, solamente Gran Britania lo a vota awe. Gran mayoria di Union Europeo lo bay urna diadomingo. Na Italia, e colegionan electoral lo cera pa 11’or di anochi riba e dia aki y solamente asina lo anuncia e resultadonan oficial. Na Aruba VNO ta bezig caba cu conteo diahuebs atardi y lo anuncia resultado pa e islanan den Caribe Hulandes, como Aruba, Corsou y Sint Maarten den transcurso di otro siman.