Awe nochi lo tuma luga eleccion di Prins y Pancho, infantil, hubenil y Grandi den Aruba Entertainment Center. Esaki lo cuminsa pa 7’or di anochi y lo ta programa pa caba pa 12’or di mey anochi.
Den e categoria infantil tin dos pareha cu lo participa. Ta Prins Gusta, Gayquion Croes y Pancho Hari, Robert Tromp, representando Champagne Carnival Group. E di dos pareha ta Prins Machi, Zyon Jansen y Pancho Ka, Demons Maduro, representando TOB Carnival Group. Pa e categoria hubenil tin 4 pareha cu lo participa. Prins Nos, Jilmar Donata y Pancho Fofoti, Samuel Winklaar, lo representa Nos Fofoti. Prins Cruza Zyqu Guerrero y Pancho Frontera, Ethan Geerman, lo representa TOB Carnival Group. Prins Sin Tai Kong Trimon y Pancho Miedo, Nethan Romano, lo representa Champagne Carnival Group y por ultimo tin Prins Des, Ransiel Medina y Pancho Confia, Alexander Donata, cu lo representa Royal Carnival Group. Pa loke ta trata e categoria di Grandi, tin 6 pareha cu lo participa. Prins Chuculati, Lyrick Perez y Pancho Blanco, Alan Monte, lo representa Royal Carnival Group. Prins Biediem, Kendrick Egbreghts y Pancho Badam, Stuart Smit, lo representa Champagne Carnival Group. Prins Dal, Rawi Misier y Pancho Duro, Ayrtonn Martis, lo representa Infinity Carnival Group.
Prins Jamami Tyron Farro y Pancho Na mi Nomber, Renald Thiel, lo representa Empire Carnival Group. Prins We Come, Wilson Noguera y Pancho from Behind, Giovanni Nunez, lo representa TOB Carnival Group. Por ultimo ta haya Prins Bon, Arjean Martinues y Pancho Laaf, Rudy Cabral, lo representa Dakota Uni. Bin tempran pa asina bo haya e luga mas dilanti y sostene bo pareha faborito, sea Infantil, Hubenil of Grandi. Bin pasa un rato alegre y haya sa ken lo ta e monarcanan cu lo guia nos Carnaval 64.
