Tabata dialuna dia 12 di april ultimo, den oranan di anochi, cu e acusado Pascual Brown a yega cas di Richi Genao na Brazil, a hay’e sinta den veranda y a tir’e den cabes, cu consecuencia fatal. Motibo ta cu Brown a sinti su mes menasa debi cu Richi tabata haci jaloers riba dje, sospecha cu e lo tin un relacion cu su chick. Fiscal awe a pidi un castigo di 16 aña di prizon pa Brown, pero hues lo dicta sentencia dia 2 di december proximo.
Den corte el a conta cu e conoce su amigo Richi for di tempo cu nan tabata chikito. E relacion tabata bon te ora cu Richi a conoce su pareha Liz. Richi di 20 aña a cuminsa uza y bende cocaina, cu ta algo cu e no tabata di acuerdo cu ne. A pesar cu nan dos hunto tabata uza XTC. Y e acusado tambe a admiti di ta huma marihuana. Pa e relato completo, lesa e edicion di TREMPAN di diabierna mainta.
